Егер сіз ипотекалық несиенің көмегімен тұрғын үй сатып алсаңыз, ол сіздің меншігіңізге айналады. Алайда мұндай тұрғын үйге билік ету құқығы кредитордың (банктің) кепілінде болуына байланысты шектелген. Кепілге салынған тұрғын үйде өз отбасы мүшелерін шектеусіз тіркеуге болады. Оны өсиет етуге болады, алайда мұрагерге жылжымайтын мүлікпен бірге қарыз алушының несиені өтеу жөніндегі міндеттемелері де ауысады. Егер қарыз алушы кепілге салынған пәтерде қайта жоспарлау жасауға ниет білдірсе; онда отбасы мүшесі болып табылмайтын адамға тұрақты тіркеуді ресімдеу, тұрғын үйді жалға беру, сату немесе кез келген басқа мәмілені жасау, - бұл жағдайда қарыз алушы кредитордың/кепіл ұстаушының рұқсатын алуы қажет.