Алматы қалалық сотының апелляциялық алқасы Банк омбудсманының шешімін заңсыз деп тану туралы «Банк ЦентрКредит» АҚ ұзаққа созылған сот ісін 2020 жылдың 9 қаңтарында аяқтады.

Өздеріңіз білетіндей, 2019 жылдың басында Банк омбудсманы кепілгер болып табылатын банк қарыз алушысының балаларын яғни, 2 жеке тұлғаны кепілден босату туралы шаралар қабылдау қажеттігі туралы шешім қабылдаған болатын. Алайда, Банк омбудсманының шешіммен келіспеген банк өз құзыретінде сотқа шағымданды.

2019 жылы 12 қыркүйекте Бостандық аудандық азаматтық сотының шешімімен Банк омбудсманының шешімін заңсыз деп тану туралы «Банк Центр Кредит» АҚ-ның талабынан бас тартты, бірақ банк судьяның шешіміне  аппеляциялық шағым берді.