Технологиялар қарқынды дамып жатқан және қаржылық алаяқтық барған сайын жетілдіріліп жатқан әлемде банктік ұйымдар мен қылмыспен күресетін агенттіктер арасындағы ынтымақтастық пен білім алмасу қаржылық тұрақтылық пен қауіпсіздікті қамтамасыз етудің негізгі құрамдас бөліктеріне айналуда. Осы тұрғыда банк омбудсмені кеңсесінің «FCBK UFC: Алаяқтықты түпкілікті бақылау» атты ауқымды конференцияға қатысуы маңызды оқиға болды. Шараны Қазақстанның бірінші несиелік бюросы ұйымдастырды.     

Конференцияны ашқан Бірінші несиелік бюроның бас директоры Руслан Омаров алаяқтықпен күрес тақырыбын талқылаудың маңыздылығын және бұл бағытты бизнес пен мемлекеттің бірлескен күш-жігерін салу қажеттігін атап өтті. БКБ биометриялық растамасы бар өзінің сертификаттау орталығын, сондай-ақ несиелеуге ерікті түрде тыйым салу мүмкіндігі бар халыққа қызмет көрсетуді іске қосу арқылы алаяқтықпен күресу бойынша қызметтерді құру үрдісін белгілейтінін ескере отырып, алаяқтық тақырыбының өзектілігі ең үлкен масштабта қарастырылды.   

Конференция барысында келесі негізгі тақырыптар талқыланды:

Технологиялық қиындықтар: Технологиядағы жылдам өзгерістер алаяқтар үшін жаңа мүмкіндіктер туғызуда. Конференцияға қатысушылар киберқауіпсіздіктің сонғы тенденциялары мен қаржылық деректерді қорғау жолдарын талқылады.

Халықаралық ынтымақтастық: Қаржылық алаяқтар жаһандық деңгейде әрекет етеді және оларды тоқтату үшін халықаралық ынтымақтастық қажет.

Білім және хабардарлық: Алаяқтықпен күресудің маңызды бөлігі тұтынушыларды алаяқтық әдістері және олардың қаржысын қалай қорғау керектігі туралы оқыту болып табылады. Конференцияда осы бағыттағы клиенттер мен банк қызметкерлерін оқыту бағдарламалары ұсынылды.   

Заңнама және реттеу: Қатысушылар қаржылық алаяқтықпен күресуге бағытталған қолданыстағы заңнама мен реттеу шараларын талқылады және осы саладағы озық тәжірибелермен бөлісті.  

Конференцияда түрді бизнес салаларының жетекші сарапшылары да сөз сөйлеп, алаяқтықпен күресудің технологиялық әдістеріне тоқталды. Сарапшылар қаржы саласының алдында тұрған заманауи сын-қатерлер мен қауіптерді талқылап, оларды еңсерудің инновациялық әдістері мен технологияларын ұсынды.  

Конференция спикерлері жеке басын қашықтан верификациялау шабуылдарынан қорғау әдістерімен бөлісті, киберқауіпсіздік пен кибер тұрақтылық бойынша жағдайларды ұсынды, қауіпті инвестициялық схемалар туралы айтты және цифрлық ортадағы қауіпсіздік саласындағы бірыңғай стандарттар маңыздылығын атап өтті. Панельдік сессияда сарапшылар ақпараттық технологиялар саласындағы алаяқтық транзакциялардың санын қалай азайтуға болатынын, бұл үшін бизнес пен үкімет тарапынан не істеу керектігін талқылады.   

Банк жүйесінің болашағын ұзақ және тиімді болжаған футуролог және бестселлер авторы Бретт Кингтің негізгі баяндамашы ретінде қатысуы ерекше атап өтілді. Оның банктердің болашағы және оған жасанды интеллекттің әсері туралы істері конференцияға қатысушыларды да, БАҚ өкілдерінде таң қалдырды және қызықтырды.   

«FCBK UFC: Алаяқтықты түпкілікті бақылау» конференциясы алаяқтықпен күрестің өзекті мәселелерін талқылау және осы салада бизнес пенүкімет арасында жемісті серіктестік орнату үшін маңызды оқиға болды.