Өтінішті беру тәртібі
Сіз Банк омбудсманына келесі тәсілдер арқылы жүгіне аласыз:
🔹 Ресми сайттағы арнайы форма арқылы онлайн өтініш беру: www.bank-ombudsman.kz («Өтініш беру» бөлімі).
🔹 Жазбаша өтініш пен қажетті құжаттарды «Қазпошта» АҚ арқылы біздің пошта мекенжайымызға жолдау арқылы.
📍 Алматы қ., Айманов көшесі, 124-үй, 301-кеңсе, «Golden» бизнес орталығында орналасқан Банк омбудсманының кеңсесіне келу арқылы.
📌 Маңызды: өтініш берер алдын ресми сайттағы «Регламент» бөлімінде көрсетілген қажетті құжаттар тізімімен танысуға кеңес береміз.
Қажетті құжаттар тізімі
Банк Омбудсманына жүгіну үшін қарыз алушы (қосалқы қарыз алушы, кепіл беруші) ұсынуы қажет құжаттардың тізбесі:
- Туындаған келіспеушіліктің барлық мән-жайлары мен себептерін толық көрсете отырып, Банк омбудсманының атына жазбаша өтініш.
- Банктік қарыз шарты– тараптардың міндеттемелері туындайтын негізгі құжат.
- Шарт талаптарына сәйкес төлем мерзімдері мен сомалары көрсетілген берешекті өтеу кестесі.
- Егер шарт талаптары өзгертілген, толықтырылған немесе ұзартылған болса, соған қатысты барлық қосымша келісімдер (бар болған жағдайда).
- Қарыз мүлікті кепілмен қамтамасыз етілген жағдайда кепіл туралы шарт (бар болған жағдайда) және оған қосымша келісімдер.
- Қарыз мүліктің кепілмен қамтамасыз етілуіне байланысты жасалған Кепіл шарты және оған қосымша келісімдер (бар болған жағдайда)
- Келіспеушіліктерді реттеуге бағытталған әрекеттерді растау үшін банкке немесе коллекторлық агенттікке жүгінгені туралы жазбаша дәлелдемелер (өтініштер, хаттар және т.б.)
- Банк немесе коллекторлық агенттік тарапынан берілген, қарыз алушының өтінішіне бас тарту немесе қарсы ұсынысты қамтитын ресми жауаптардың көшірмелері.
Қосымша ұсынылатын құжаттар (бар болған жағдайда):
- Табысы төмендеген немесе жұмысынан айырылған жағдайда: БЖЗҚ-дан соңғы 6–12 айға арналған үзінді көшірме; жалақы мөлшері туралы анықтама; жұмыстан босатылғаны туралы бұйрық; жұмыссыз ретінде тіркелгені туралы анықтама; басқа да растайтын құжаттар.
- Қазақстан Республикасының «Тұрғын үй қатынастары туралы» Заңының 68-бабына сәйкес Әлеуметтік осал топқа (ӘЖОТ) жататынын растайтын құжаттар:
- Асырауындағы адамдар бар екенін растайтын құжаттар: балаларға, мүгедектігі бар жандарға, зейнеткерлерге қатысты құжаттар.
- Денсаулығына байланысты құжаттар: медициналық қорытындылар, анықтамалар, амбулаторлық карталардан үзінді көшірмелер, емдеуге кеткен шығындар туралы құжаттар.
- Назар аударуға лайық өзге жағдайларда: жылжымайтын мүліктің бар/жоқтығы туралы анықтама; тұрғын үйді жалдау шарты; БКБ/МКБ-дан алынған кредиттік есеп; өзге де маңызы бар құжаттар.
Аталған құжаттарды толық әрі дәл ұсыну өтінішті қарау процесін жеделдетеді және банкпен немесе коллекторлық агенттікпен туындаған даулы мәселелерді тиімді шешуге ықпал етеді.